Состанок на групата на аеродромот во Скопје во 04.00часот. Авионот на Adria Airways (JP 811) полетува во 05.30 часот. Слетување во Љубљана во 07:00. Полетување за Париз во 08:05. Слетување во Париз во 10.00 часот. Панорамски разглед на градот со стручен локален водич: Големите булевари, мостовите и кејовите на Сена, плоштадот Конкорд, Елисејските полиња, Триумфалната Капија, Вандом, Операта, Република, Бастиља, Латинскиот кварт, Нотр Дам, паркот Луксембург... Трансфер до хотел. Сместување. Во попладневните часови, посета на Ајфеловата Кула (со метро). Можност за факултативно крстарење со брод по Сена, под париските мостови со прекрасен поглед кон знаменитостите: куполата на инвалидите, музејот Орсеј, црквата НотрДам, Градската куќа, плоштадите Конкорд и Трокадеро. Вечерта, прошетка по познатата улица Шанзелизе. Ноќевање.

Појадок. Факултативна посета на ремек делото на франскускиот класицизам, величенствениот дворец Версај, една од најлуксузните кралски палати во Европа. Прошетка по кралските апартмани, салата со огледала и прекрасните градини, дело на архитектот Ле Нотре, со многубројните фонтани, шумички, алеи, скулптури.... Попладне, посета на Дефанс-парискиот кварт од 21. век. Во вечерните часови, прошетка до базиликата Sacre Couer, плоштадот на уметниците Монмартр и квартот Пигал, познат по бројните кабареа како Mouline Rouge. Ноќевање.

Појадок. Организирана посета (превоз со метро) на најпознатиот музеј во светот-Лувр, резиденција на француските кралеви, се до нивното преселување во Версај. Посета на најпознатата светска колекција на уметнички дела, меѓу кои и Да Винчиевата славна Мона Лиза, античката скулптура Венера Милоска, сплавот на медузите. Во попладневните часови, посета на катедралата НотрДам, во најстариот дел од Париз. Прошетка по квартот Сан Мишел и живописниот Латински кварт. Можност за вечера во некој локален ресторан. Ноќевање.

Појадок. Факултативна посета на забавниот парк Disneyland, во светот на приказните со многубројни атракции (превоз со брз воз RER). Трансфер до аеродромот. Лет за Љубљана со авионот на Adria Airways (JP 810) во 21.20 часот. Слетување во Љубљана во 22:55. Полетување за Скопје во 23:25. Слетување во Скопје во 01:00 часот.